Unaza e fejesës është diçka shumë e rëndësishme, por ka disa persona të cilët nuk duan të jenë si gjithë të tjerët por të krijojnë gjëra të veçanta për të lënë pa fjalë njerëzit e tyre të zemrës.
Ky është pikërisht rasti i Lucas Unger, një djalosh kanadez i cili vendosi të bëjë një dhuratë tërësisht të veçantë për të dashurën e tij. Gjatë mbrëmjes së Halloween ai i ka dhuruar Carlee Leifkes një unazë të veçantë, e cila, në vend të gurit të zakonshëm të çmuar, kishte dhëmbin e tij të syrit.
“Jam shumë e emocionuar që do të martohem me një burrë që më ka dhuruar dhëmballën e tij të syrit. Kjo për mua vlen më shumë se një diamant, nuk kemi qenë kurrë një çift tradicional. Pse të jemi në këtë pikë?”,- thotë vajza.
Dy të rinjtë janë njohur gjatë një festivali muzikor në Kanada në fillim të këtij viti dhe do të martohen në fund të këtij viti në Las Vegas. “Kemi folur shumë herë për këtë temë dhe të dy mendonim se diamantet janë diçka e mbivlerësuar”,- tha nusja e ardhshme./tesheshi.com/
