Mësohet se familja Rashaj, e cila humbi të birin Klodianin 25-vjeçar nga plumbat e një efektivi policor, ka kërkuar që rrugica ku ai dha frymën e fundit, në Laprakë, të marrë emrin e tij. Kjo i është kërkuar kryebashkiakut Veliaj, i cili nga ana e tij ka shprehur dakortësi, duke thënë se propozimi do i përcillet menjëherë Këshillit Bashkiak për miratim.
Veliaj ishte në një tjetër vizitë në familjen dibrane, e cila është nga ajo zonë kur pak kohë më parë qe Meta, duke kënduar fshatçe epikat e të ndjerit Qerim Sula – në Zall Dardhë. Nga Rashajt e Klodianit të ndjerë, është dhe këngëtarja e njohur Lirie Rasha.
Kështu, Tirana pritet të ketë një rrugicë me emrin e të riut që trazoi sërish politikën, në emër të të cilit opozita mobilizoi me qindra të rinj e adoleshentë “në luftë” me policinë dhe institucionet, në provën e radhës për të rrëzuar Ramën.
Nga ana tjetër familja Rasha nuk ka pranuar që të abuzohet në emër të të dashurit të tyre të ndjerë, duke u shprehur kundër protestave të dhunshme. /tesheshi.com/
