Raportuesja për Kosovën në Parlamentin Evropian, Viola von Cramon, tha në një video-mesazh pret që dialogu midis Beogradit dhe Prishtinës do të përfundojë në vjeshtë, dhe deri në fund të vitit, rezultatin e suksesshëm të këtij procesi, ajo e sheh si njohje të ndërsjelltë.
Ajo shkroi në Twitter se është optimiste për dialogun midis dy palëve, duke shtuar hapi tjetër dhe më i rëndësishmi në dialog është konferenca në Paris, e organizuar nga Presidenti francez Emmanuel Macron.
“Pas kësaj, pritshmëria do të jetë që, të shpresojmë, të shohim një marrëveshje për njohjen reciproke gjatë vjeshtës. Kjo është ajo për të cilën duhet të insistojmë vërtet dhe të punojmë nga të dy palët, në mënyrë që të arrijmë këtë rezultat të suksesshëm deri në fund të këtij viti”, tha ajo.
Ajo theksoi në Tëitter se Përfaqësuesi Special i BE-së për Dialogun Beograd-Prishtinë, Mirosllav Lajçak u takua me përfaqësuesit e të dy palëve, Kryeministrin e Kosovës Avdullah Hoti dhe Presidentin serb Aleksandar Vucic javën e kaluar në Bruksel.
“Me BE-në në ‘ulësen e shoferit'”, së shpejti do të jemi në gjendje të ecim përpara. Faza tjetër do të jetë një konferencë në Paris,” shkroi Cramon në Twitter.
Ky zhvillim, që bie erë përplasjeje mes BE dhe SHBA për fatin e Kosovës, vjen pas anullimit të takimit të Uashintonit, atë të 27 qershorit mes Thaçit dhe Vuçiçit. Ndodhi kjo në një lëvizje me sfond të pastër politik, pasi Specialja në Hagë publikoi një aktakuzë për presidentin e Kosovës.
New York Times më parë kishte shkruar se takimi në Shtëpinë e Bardhë ishte rregulluar pas shpinës së Bashkimit Evropian. /tesheshi.com/
I am optimistic about the #dialogue between #Kosova and #Serbia. @MiroslavLajcak has managed to meet with both sides @Avdullah @avucic came to Brussels last week. With #EU in the driver's seat we’ll be able to move forward soon. Next phase will be hopefully #Paris conference. pic.twitter.com/Yi2HPT02c1
— Viola von Cramon 🇺🇦🇪🇺🇮🇱 (@ViolavonCramon) July 1, 2020
