Çdo fundvit institucionet bëjnë bilancin e asaj çfarë kanë punuar dhe me ç’sfida janë ballafaquar gjatë 12 muajve të vitit.
Ndërsa kryeministri, kryekuvendari e ministrat zakonisht mbajnë konferenca për media ku në të shumtën e rasteve lavdërohen, presidenti i drejtohet institucionit ligjvënës.
Një gjë të tillë pritet ta bëj edhe Thaçi, edhe pse ende nuk ka një datë të saktë se kur do t’u drejtohet deputetëve për punën e tij bërë në dhjetë muajt e këtij viti.
Pavarësisht kësaj, subjektet opozitare shprehen tërësisht të painteresuara për të dëgjuar fjalimin e tij, kurdo që ndodhë një gjë e tij.
Opozitarët dhe analistët për më tepër shtrojnë dilemën nëse ka diç kreu i shtetit të raportojë për punën e tij dhe nëse ia vlejnë ta dëgjojnë, pasi sipas tyre ai erdhi në këtë post përmes votave të kontrabanduara.
“Flet për dëshirat e veta jo për realitetin”
Kreytari i grupit parlamentar të AAK-së, Pal Lekaj, thotë se ende nuk kanë marrë një njoftim zyrtar për këtë çështje, andaj nuk mund të japë një përgjigje të saktë nëse partia e tij në një seancë të tillë.
“Nëse do të raportonte realitetin, e jo dëshirat e veta, do të shihej se sa pak, ose aspak punë ka bërë për të mirën e Kosovës ky njeri. Konsideroj se Thaçi s’ka me çfarë të lavdohet për dhjetë muajt sa është në krye të Presidencës. S’ka asnjë sukses”, thotë Lekaj, për tesheshi.com.
Enver Hoti, nuk ka dashur të jap një përgjigje nëse NISMA do bojkotoi apo jo seancën si dhe të jap një vlerësim apo jo për punën e bërë nga presidenti.
“Ai është vetem kryetar i PDK-së nën rogoz”, ka thënë shkurt, Hoti, për tesheshi.com.
Portali ynë ka tentuar të marrë një përgjigje edhe nga Lëvizja Vetëvendosje, por zyrtari për media Shkodran Hoti, ka thënë se s’mund të deklarohen për momentin për këtë temë.
“Jo. Nuk mundemi me u deklaru para mbledhjes që e ka grupi parlamentar”, ka thënë shkurt Hoti.
“S’ka me çka të krenohet”
Ndërsa njohësit e rrethanave politike thonë se kreu i shtetit obligohet që t’i drejtohet Kuvendit dhe se kjo është në funksion të bërjes sa më transparente të punës.
Analisti Faik Krasniqi, thotë se Thaçi së pari nuk mund të krenohet me mënyrën se si u zgjodh president, pra në mes të molotovit dhe protestave.
“Nuk ka për çfarë të krenohet as për këto 8 muaj sa është President i vendit, sepse asnjë përgjegjësi që e ka pasur nuk ka arritur ta kryejë. As ta bëjë pajtimin politikë mes subjekteve politike, mes pozitës dhe opozitës, gjë që për fajin e tij erdhi edhe tek tensionimi i raporteve pozitë-opozitë, në kohën sa ishte kryeministër. Por, as për premtimet e tij të zakonshme, për liberalizim të vizave dhe luftim të korrupsionit. Ndoshta ai personalisht do krenohet për përkuljen e tij të vazhdueshme, në memorialet e serbëve të vrarë gjatë dhe pasluftës, edhe pse dyshoj të jenë vrarë nga shqiptarët, siç kemi rastin ”Panda” në Pejë, ku pas më shumë se 15 viteve doli të jetë vepër e shërbimeve sekrete serbe”, thotë Krasniqi, për tesheshi.com.
Portali tesheshi.com ka tentuar të marrë një përgjigje edhe nga këshilltarët e presidentit se kur ky i fundit do t’i drejtohet ligjvënësve për punën e tij por kontakti me ta ka qenë i pamundur. /tesheshi.com/
