Për 56 vendet anëtarë të OSBE (përveç Shqipërisë), kjo e fundit pati një drejtim sfidant gjatë presidencës së saj. Kështu thuhet në raportin vjetor për vitin 2020 të kësaj organizate ndërkombëtare me peshë.
“Viti i Kryesisë Shqiptare ishte i rëndësishëm për OSBE-në në shumë aspekte. Viti 2020 shënoi 45-vjetorin e Aktit Final të Helsinkit dhe 30-vjetorin e Kartës së Parisit për një Evropë të Re, por gjithashtu u karakterizua nga një seri sfidash të reja dhe të papara.
Shqipëria e nisi këtë presidence duke nënvizuar se si një shtet i vogël që ka pësuar një tranzicion të madh, ajo ka përfituar forcë dhe stabilitet të shumtë nga të qenit pjesë e këtij komuniteti të bazuar në vlera dhe tashme përmes Kryesisë, ajo u përpoq t’i kthente mbrapa Organizatës”, thuhet ndër të tjera në raport.
Në raport theksohet gjithashtu se tre ishin prioritet kryesore të Presidencës shqiptare: Bërja e një ndryshimi në terren; Zbatimi i zotimeve së bashku; Ndërtimi i stabilitetit përmes dialogut.
“Por këto tre prioritete kaluan në plan të dytë, për shkak të zhvillimeve që ndodhen përgjatë 2020-s, kur pandemia ishte një nga sfidat kryesore. Por kësaj ju shtuan dhe vakancat e strukturave drejtuese të OSBE, situata ne Bjellorusi dhe ajo ne Nagorni-Karabak
Këto ngjarje shtuan presione të reja në punën e përditshme të OSBE-së gjatë vitit 2020, të cilat Kryesia u përpoq t’i kapërcente. Përballë kësaj fatkeqësie, Kryesia Shqiptare në mënyrë efektive, mbajti aktivitetet operacionale të OSBE-së mes përçarjes së shkaktuar nga COVID-19 dhe emëroi strukturat e reja te Organizatës, ” thuhet në raport. /tesheshi.com/
