Shkalla e lartë e papunësisë në Kosovë bëhet edhe më shqetësuese kur krahasohet vektori i papunësisë te gratë, që po llogaritet të jetë afro 88%.
Raportet nga organizata “Çohu” flasin se vetëm 12.3 % e grave figurojnë si të punësuara në Kosovë, sfidë kjo e krijimit të një tregu normal të punës.
Publikimi i raportit me temën “Reforma ne fushën e arsimit dhe aftësimit profesional” vë në pah edhe problemet shtesë në institucionet e arsimit profesional, si dhe ndarje të padrejta gjinore të punëve “vetëm për gratë”.
Florie Xhemajli tha se shkollat e aftësimit profesional nuk mund t’iu ofrojnë nxënësve as punë praktike.
“Aftësimi teorik nuk i përgatit nxënësit për tregun e punës. Edhe nëse ka ndonjë marrëveshje për punë praktike, sipas shkollave, asnjë nga premtimet që i marrin nuk përfundojnë në ndonjë marrëveshje të qëndrueshme… Konsiderohet se 30 përqind e profileve nuk ekzekutohen në tregun e punës. Ajo që del në pah është se numri i vajzave në disa fusha është tejet i vogël. Profesionet ku orientohen vajzat janë kryesisht tekstili, kujdesi ndaj të moshuarve. E në bazë të raportit të Rrinvest-it këto profesione janë të paqëndrueshme në treg”, tha ajo.
Cilësia, financimi, mungesa e pajisjeve, pamundësia e ofrimit të punës praktike për nxënësit si dhe mungesa e bashkëpunimit me tregun e punës janë disa nga sfidat me të cilat përballen institucionet e arsimit profesional në Kosovë, vë në duke raporti. /tesheshi.com/
