Sipas një raporti që parasheh rrezikun nga katastrofat natyrore në botë, të cilin e ka publikuar Departamenti për Mjedisin dhe Sigurinë Njerëzore pranë OKB-së (UNUEHS), dhe ku janë përfshirë 173 vende, Italia me indeksin 4,88 ndodhet në shënjestër të termeteve, stuhive, përmbytjeve, thatësirave, nivelit të rritjes së detit, etj.
Prej vendeve të rajonit, me risk më të lartë se Italia janë Bosjna me indeksin 6,42; më pas vjen Rumania me indeksin 6,61; Greqia me 7,36; Serbia me 7,53, Holanda me 8,76; dhe Shqipëria me indeksin 10,01.
Në majë të listës qëndron shteti-ishulli Vanuatu në Paqësorin e Qetë me indeksin e rrezikut nga katastrofat natyrore prej 36,43; pasojnë Tonga, po ashtu një shtet-ishull me indeks 28,23; si dhe Filipinet me 27,52.
Prej vendeve të mëdha, më të rrezikuarat janë Japonia në vendin 15-të me indeksin 14,1; dhe Kili në vendin e 19-të me indeksin 12,28.
Ndërsa prej vendeve më të sigurta të botës rradhiten: Katari me indeksin 0,1; Malta me 0,61; Barbados me 1,16; Arabia Saudite me 1,32; Grenada me 1,44; Islanda me 1,55; Kiribati me 1,78; Bahreini me 1,81; Emiratet e Bashkuara Arabe me 2,1; Suedia me 2,26; Finlanda me 2,28; Egjipti me 2,34; dhe Norvegjia me indeksin 3,35. /tesheshi.com/
