Pavarësisht përpjekjeve dhe ndërmjetësimin e të huajve, Shqipëria duket se nuk i shpëton dot kollaj “mallkimit” të kahershëm. Vendi ynë vazhdon të renditet në vendet e para, në raport me shtetet e tjera europiane, si më i korruptuar.
Sipas raportit të “Transparency International” në nivel perceptimi, vetë shqiptarët e kanë renditur Shqipërinë në vendin e tretë, me 34 %, duke lënë pas Ukrahinën dhe Moldavinë.(Në foto, harta e vendeve dhe rezultatet përkatëse, sipas raportit)
Në raport thuhet se një në tre shqiptarë pohon se për të marrë një shërbim të caktuar, do tu duhet të paguajnë ryshfet, në të kundërt nuk mbarojnë dot punë. Për këtë, ata kanë theksuar se korrupsioni është ende në nivel shqetësues.
Këtë problem ata ja kanë faturuar qeveritarëve, duke u bashkuar kështu me mendimin e qytetarëve të Bosnje-Hercegovinës dhe Rumanisë.
Ky raport është kryer gjatë periudhës 30 janar – 2 mars të këtij viti.
Ndërkohë, banorët e Kosovës kanë theksuar se norma e korrupsionit është deri në 10 %, ndërsa si shteti që duhet të merret shembull sipas “Transparency International” është Mbretëria e Bashkuar, e cila ka rezultuar “qelibar” në këtë drejtim, 0.0 %./tesheshi.com
