Kryetari i KQZ-së, Klement Zguri, ka reaguar pas raportit të publikuar nga OSBE/ODIHR për zgjedhjet e 25 qershorit.
Ai deklaroi se nga KQZ-ja do të merren parasysh të gjithë vërejtjet e bëra, ndërsa shtoi se ky institucion është gati për të nisur reformën zgjedhur.
“Pjesa më e rëndësishme e raportit janë, vërejtjet, rekomandimet dhe kritikat. KQZ do ti marrë ato seriozisht, si çështje prioritare të axhendës së vet. Për të analizuar proccesin zgjedhor dhe për të hartuar një paketë për zgjidhjen sa më efikase të tyre.
Për rastet e evidentuara në raport si: KQZ nuk mori masa të qartësonte kundërshtitë ligjore lidhur me reklamat elektorale në medita audiovizive private, ne kemi vepruar dhe do të veprojmë me rigorozitet edhe pse nuk mund të silleshim si instancë eprore ndaj Parlamentit. Mekanizmi ligjor që lejon KQZ të qartësojë kundërshtitë nuk u vu në lëvizje, pasi partitë dhe mediat gjetën zgjidhje alternative”, theksoi Zguri. /tesheshi.com/
