OSBE-ODIHR i ka vënë më në fund vulën zgjedhjeve të 30 qershorit, duke publikuar raportin përfundimtar të tyre.
Duke renditur disa kritika, e duke i bërë një rezyme sfondit politik të pazakontë në të cilat i zhvilluan ato, organizimi kryesor ndërkombëtar që merret me zgjedhjet në Shqipëri e që vendosi ta njeh 30 Qershorin, i quan ato, që në krye të herës, si në përputhje me standartet demokratike.
“Misioni i OSBE-ODIHR vlerësoi përputhjen e zgjedhjeve me angazhimet e OSBE-së, detyrime të tjera ndërkombëtare dhe standardet për zgjedhjet demokratike”, thuhet në raport.
Por në një tjetër qasje që duket kontradiktore, OSBE-ODIHR thekson ato që nuk shkuan në me këto zgjedhje.
“Votimi u zhvillua në përgjithësi mënyra paqësore dhe të rregullt dhe numërimi u vlerësua pozitivisht në përgjithësi, megjithëse disa procedura nuk janë ndjekur gjithmonë si duhet. Në 31 nga 61 bashki gjithsej, kandidatët garuan pa kundërshtarë. Përplasjet politike çuan në pasiguri juridike.
Zgjedhjet u zhvilluan nën një sfond të një krize politike dhe institucionale, që buronte nga antagonizmi i gjatë midis Partisë Socialiste në pushtet dhe opozitës Demokratike. Presidenti Meta nxori një dekret për anullimin e zgjedhjeve duke përmendur shqetësimet për sigurinë publike dhe përgjegjësinë e tij kushtetuese për të mbrojtur pluralizmin. Parlamenti e shpalli të pavlefshëm dekretin dhe filloi një procedurë hetimi për ta shkarkuar. Balanca politike në administratën zgjedhore nuk u arrit për shkak të vendimit të opozitës për të mos caktuar komisionerë”, thuhet në raport.
Më tej, OSBE ofron rekomandimet për zgjedhjet e ardhshme.
“Partitë politike dhe palët e tjera të interesuara elektorale duhet të përfshihen në një dialog gjithëpërfshirës për reformën zgjedhore për të adresuar rekomandimet e përfshira. Duhet të merren masa maksimale për të eliminuar problemin e keqpërdorimit të burimeve të administratës publike.
ODIHR ishte dëshmitar i rasteve të kërcënimit të votuesve dhe shkeljes së fshehtësisë së votës në qendrat e votimit, mirëpo për këto raste nuk është regjistruar zyrtarisht asnjë procedim penal. Duhet të sigurohet pavarësia dhe paanshmëria e Komisionit Qendror të Zgjedhjeve.
Gjithashtu duhet të forcohen procedurat për të mbikëqyrur dhe zbatuar në mënyrë efektive rregullat e financimit dhe kontrollit të partive dhe fushatave. Disa monitorues të ODIHR kanë vënë në dyshim efektivitetin e mbikëqyrjes së financave të partive, duke argumentuar se anashkalime të rregullores”, theksohet në raportin e OSBE-ODIHR-it. /tesheshi.com/
