Jeff Sessions e kishte diskutuar fushatën e Donald Trump për Shtëpinë e Bardhë me ambasadorin rus në Uashington në vitin 2016, sipas interceptimeve të shërbimeve sekrete amerikane që thuhet se bien në kundërshtim me garancitë e kryeprokurorit se fushata nuk kishte qenë pjesë e diskutimit në takimin që ai ka pasur me zyrtarin e lartë të Moskës.
Sergey Kislyak u tha shefave të tij në Moskë se kishte biseduar për çështje të lidhura me fushatën dhe ato të politikave gjatë dy takimeve me Sessions, sipas ish-zyrtarëve por edhe zyrtarëve aktualë të shërbimeve amerikane. Lajmin e bën të ditur gazeta “Washington Post”.
Të dhënat që jep ambasadori nga takimet – të cilat janë interceptuar nga agjencitë sekrete amerikane- bien ndesh me ato të Sessions dhe vendosin presion të shtuar ndaj kryeprokurorit vetëm pak ditë pasi u kritikua publikisht nga presidenti.
Sessions ishte senator dhe këshilltar për politikën e jashtme i Trump gjarë garës presidenciale. Pasi u përfol se do të drejtonte departamentin e Drejtësisë, ai së pari nuk i bëri publike takimet me Kislyak dhe më pas tha se ato nuk kishin lidhje me fushatën e Trump. /tesheshi.com/
