Konfliktet dhe dhuna kanë bërë që gjatë një dite të vetme, 30 mijëra persona të lënë shtëpitë e tyre gjatë vitit 2014, duke e çuar këtë shifër në 38 milionë vetë.
Numri i të zhvendosurve, sipas një studimi, është i barabartë me numrin e banorëve të Londrës, Nju Jorkut dhe Pekinit, të marrë së bashku. Studimi është kryer nga Kësilli Norvegjez për Refugjatët. Ai ka marrë në shqyrtim situatën e zhvendosjeve në 60 vende të botës dhe një prej rezultateve është se 11 milionë vetë janë detyruar me forcë që të zhvndosen brenda vendeve të tyre, vetëm gjatë vitit që shkoi.
Si pasojë e gjithë konflikteve dhe dhunës, shifra e 38 milionë të zhvendosurve është më e larta e këtij dhjetëvjeçari. Aktualisht, numri i personave të zhvendosur është dy herë më i madh se ai i refugjatëve.
“Diplomatë të ndryshëm, rezolutat e OKB-së, bisedimet e paqes dhe marrëveshjet e pushimzjarrit, e kanë humbur betejën ndaj personave të armatosur që nxiten dhe financohen nga segmente të caktuara me intersa politike, apo fetare” – thuhet në raport. Rezultatet e tij duhet të jenë një këmbanë e fortë alarmi për ta ndaluar këtë tendencë, për të ndaluar miliona gra, burra e fëmijë që të mbeten robër të situatave të konflikteve në të gjithë botën.
Vendet më problematike në lidhje me zhvendosjet janë Iraku, Sudani i Jugut, Siria dhe Republika Demokratike e Kongos të cilat përbëjnë edhe 60% të të gjtha vendeve me persona të zhvendosur. Iraku ka përjetuar kohë shumë të vështira me 2.2 milionë persona që i janë larguar zonave që kanë rënë nën kontrollin e ISIS-it.
Në Siri lufta civile që ka tre vjet që po zgjat ka “zhvendosur” deri më tani 7.1 milionë vetë. 35% e popullsisë së vendit janë detyruar që të lenë vendin në vitin që shkoi.
Në Sudanin e Jugut që është edhe shteti më i ri në botë janë zhvendosur 1.1 milionë vetë dhe bëhet fjalë për konflikte shumë brutale dhe largime të përgjakshme. Ndërsa në Evropë, konflikti në Ukrainë ka çuar në largimin nga shtëpitë e tyre të 650 000 pesonave. Kjo është edhe shifra më e lartë e kësaj natyre për një dhjetëvjeçar. /tesheshi.com/
