Ankaraja zyrtare ka reaguar ashpër ndaj një raporti kritik të Brukselit ndaj Turqisë, që përbënte dhe një akt tjetër ftohjeje e ngecjeje në raportet e ndërsjellta.
Në raportin e Komisionit Evropian thuhej se Turqia po i largohet me shpejtësi rrugës së anëtarësimit në BE, ku si shkas merrej ajo që Brukseli e konsideron fushatë represive ndaj njerëzve të lidhur me organizatën FETO, shpallur nga Ankaraja si terroriste, pas akuzës për organizim të një grushti shteti.
Por autoritetet turke janë treguar akoma dhe më të ashpër ndaj qëndrimit europian.
Ministri për çështjen e anëtarësimit në BE-së, Omer Çelik tha se Brukseli nuk mund ta quajë FETO-n një organizatë joqeveritare të pafajshme.
“Ne nuk shqetësohemi nga kritikat, por kjo qasje nuk është e drejtë”, tha Çelik, duke pretenduar se kritikat ndaj Turqisë janë vetëm për arsye politike e aspak në lidhje me të drejtat e njeriut.
Zyrtari i lartë i Ankara, tha se Europa vijon të kritikojë luftën e Turqisë kundër terrorizmit, pa e kuptuar faktin se është pikërisht kjo Turqi që ia siguron asaj sigurinë e kufijve. /tesheshi.com/
