Të paktën 1,000 fëmijë, dhe ndoshta më shumë se kaq, u keqtrajtuan nga qindra priftërinj katolikë në famullitë e Pensilvanisë.
Kjo e dhënë ka dalë nga një raport pas një hetimi dyvjeçar, ku siç tha Prokurori i Pensilvanisë, Josh Shapiro, u zbulua mënyra se si zyrtarë të lartë të kishës në Pensilvani dhe Vatikan e fshehën këtë fakt për vite me radhë.
Raporti tha se më shumë se 300 priftërinj abuzuan fëmijët gjatë dekadave. Por aty vihet theksi te strategjia e zgjedhur për ta fshehur gjithçka kishte ndodhur.
“Udhëheqja e kishës ka ruajtur dokumente famullore në lidhje me abuzimet, duke i klasifikuar si “arkiva sekrete’. Këto ishin dhe shtylla kurrizore e hetimit”, tha Shapiro.
Kardinali Donald Euerl, ish-peshkop i Pitsburgut dhe tani kryepeshkop i Uashingtonit, është renditur si një njerëzit e fshehjes së madhe. Por kleriku i lartë tha se kishte punuar duke u kujdesur për viktimat dhe parandaluar abuzimet e ardhshme. /tesheshi.com/
