Banka Botërore (BB) ka konfirmuar parashikimin për rritjen ekonomike të Shqipërisë deri në kufijtë 3,5% për tri vitet në vijim. Në raportin e publikuar së fundi prej saj, Banka Botërore evidenton se, bazuar në projeksionet e raportit për perspektivat ekonomike globale, ekonomia shqiptare pritet të rritet me 3% për vitin 2015 dhe me 3,5% për vitet 2016 dhe 2017.
Përmirësimi i rritjes ekonomike do të jetë i ngadaltë dhe do të mbështetet në aftësinë për rimëkëmbjen e aktivitetit privat. Ndërsa ekonomitë në vendet e Evropës Juglindore ngelen të brishta ndaj rreziqeve, që lidhen me faktorët atmosferikë. Për të nxitur rritjen ekonomike dhe krijimin e vendeve të reja të punës, BB-ja e vendos edhe njëherë theksin te nevoja për të thelluar reformat në të gjitha vendet e rajonit.
“Shumë vende, përfshi Shqipërinë, janë ende larg praktikave më të mira në klimën e biznesit, që do të mundësonin rritje të produktivitetit”, nënvizon Banka Botërore.
Ndëraq, në nivelin botëror paralajmërohet se me përforcimin e politikës monetare të Shteteve të Bashkuara të Amerikës dhe me përfitimin e fuqisë së dollarit, vendet në zhvillim mund të hyjnë në një periudhë të vështirë.
Banka Botërore publikoi raportin e “Pritshmërive ekonomike globale” që rezultoi me cilësinë e një paralajmërimi për vendet në zhvillim.
Shumë vende që janë aktualisht në gjendje të vështirë për shkak të rënies së vlerës së çmimeve dhe daljes jashtë shtetit të kapitalit, mund të përjetojnë ditë edhe më të vështira. Këtu luan një rol të rëndësishëm edhe përforcimi i ekonomisë së Amerikës dhe fuqizimit të dollarit.
Krye ekonomisti i Bankës Qendrore i bëri thirrje Bankës Qendrore të Amerikës, që të presë rritjen e përqindjes deri vitin e ardhshëm. Në raportin në fjalë, pritshmëria për rritjen globale nga 3% u ul në 2.8%.
