Është prezantuar raporti i ri i RSF, i cili kërkon një prezantim të veçantë nga sekretari i përgjithshëm i OKB-së, për mbrojtjen e kronistëve. Një numër i lartë i gazetarëve të marrë peng (54) dhe atyre të burgosur (154) ka ndodhur gjatë këtij viti. Ndërkohë ë trendi i deri më tanishëm është përmbysur, duke qenë se dy të tretat e gazetarëve ë kanë vdekur, kanë ndërruar jetë në vendet ‘në paqe’.
Bilanci i përgjakshëm nga gazetarët gjatë vitit 2015 është 110 reporterë të vrarë, shumë prej tyre në befasi jo në zona të luftës, por në vende ku nuk ka konflikte. Ky është rezultati i organizatë “Reporterë pa kufij” (RSF). Nga 110 të vrarët, 67 kanë humbur jetën ndërsa kanë qenë duke punuar dhe 43 të tjerë në rrethana të mistershme
Detaj tjetër edhe më shqetësues ky, sipas kësaj organizate, pasi eliminohet dallimi mes rrezikut të marrë me vetëdije nga korrespondentët e luftës dhe “kronistëve të thjeshtë” që veprojnë në vendet jo në luftë, por ku krimi i frikësohet shtypit.
“Subjekte jo zyrtare dhe jo shtetërore kryejnë mizori që kanë në shënjestër gazetarët, ndërsa shumë qeveri nuk respektojnë detyrimet e tyre sipas të drejtës ndërkombëtare. 110 gazetarë të vrarë këtë vit ilustrojnë nevojën për një përgjigje dhe reagim të menjëhershëm”,- thotë RSF.
Rezulton edhe humbja e jetës së 27 të ashtuquajturve ‘individëve-gazetarë’ jo profesionistë dhe 7 kameramanëve, teknikëve apo personave të cilët iu nënshtrohen të njëjtave rreziqe sikurse edhe reporterët. Kërcënimi kryesor vjen nga të ashtuquajturit ‘grupe jo shtetërore’, siç mund të jenë edhe xhihadistët e ISIS. Gjatë vitit 2014, dy të tretat e gazetarëve të vrarë zhvillonin punën e tyre në zonat e luftës. Në vitin 2015 ka ndodhur tërësisht e kundërta: ‘dy të tretat janë eliminuar në vendet e paqes’, konfirmon raporti i Reporterë pa Kufij.
Vendet në rrezik dhe shkaqet e vdekjes
Vendet më të rrezikuara janë: Iraku (11 viktima) dhe Siria (10 viktima) të ndjekur nga Jemeni (10 viktima), ku po zhvillohet një luftë civile mes sunitëve të mbështetur nga Riadi dhe rebelëve shiitë të mbështetur nga Irani. Vend i rrezikuar është edhe Franca, ku kanë ndërruar jetë 8 gazetarë gjatë sulmit të bërë mbi revistën satirike Charlie Hebdo më 7 janar 2015. Franca ndiqet nga India me 9 viktima dhe Sudani me 7 viktima gazetarë. Meksika rezulton të jetë një nga vendet më të rrezikshme në botë për këdo, përfshirë edhe civilët, ku narkotrafikantët kontrollojnë gjithë zonat e vendit. Aty kanë ndërruar jetë 8 gazetarë gjatë këtij viti, në Filipine 7 dhe po aq edhe në Honduras.
Të rrëmbyer dhe të mbajtur peng
Veç bilancit të viktimave në vitin 2015, mes gazetarëve, është shumë i lartë edhe numri i reporterëve të rrëmbyer dhe të marrë peng: 54, por edhe më i lartë është numri i personave të burgosur për shkak të profesionit të tyre: 154. Mes 54 të rrëmbyerve, 26 janë marrë peng në Siri,13 në Jemen, 10 në Irak dhe 5 në Libi. Një pjesë e madhe e atyre që janë burgosur ndodhen në Kinë (23 gazetarë në burg), ndjekur nga Egjipti (22 gazetarë), 18 në Irak, 15 në Eritre, 9 në Turqi, të burgosur nga presidenti Recep Tayyip Erdogan , i cili nuk e toleron lirinë e shtypit dhe ka e ka treguar disa herë këtë duke arrestuar gazetarët. 69 gazetarë të tjerë janë burgosur në vende të ndryshme të botës./tesheshi.com/
Pregatiti: Alba Skëndaj
