Në më të fundit raport të Transparency International mbi perceptimin e korrupsionit në botë, Shqipëria ka pësuar një rënie me 7 vende, ku nga pozicioni i 99 në 2018, ka shkuar në të 106-in.
Ngjashëm ka ndodhur edhe me Kosovën e cila ka humbur 8 vende nga viti 2018, por që në 2019 është gjithsesi më mirë se Shqipëria duke u renditur në vendin 101.
Përkthyer politikisht, Haradinaj ia marrë Ramës në këtë pikë.
Këto tregues, siç i takon me rregulla loje, janë pritur si “lajm i mirë” në opozitën shqiptare. Ish-deputetja Tabaku shkroi se “Shqipëria e Ramës nuk është vetëm një demokraci hibride siç Indeksi i Demokracisë së The Economist raporton”.
“Shqipëria nuk ka më luksin të vuajë pasojat e keqqeverisjes së të paktëve ndaj shumicës. Ka ardhur koha që kumbarëve të korrupsionit t’u japim goditjen e merituar”, konkludon Tabaku në një reagim të saj.
Në raport, vendi më pak i korruptuar rezulton Zelanda e Re, ndërsa e kundërta, më e korruptuara është Somalia. /tesheshi.com/
