Biznesi në Shqipëri rendit taksat e larta si pengesën kryesore me të cilën përballen në aktivitetin e tyre. Kjo është hera e parë që taksat e larta renditen nga biznesi në Shqipëri si problem madhor, e në raportin e fundit të konkurrueshmërisë globale, pas tij vijnë mungesa e financimeve nga banka dhe korrupsioni.
Vitin e kaluar, i njëjti raport nxirrte korrupsionin si problemin më shqetësues për biznesin në Shqipëri.
Raporti i konkurrueshmërisë globale konsiderohet si një nga treguesit më të plotë mbi gjendjen e një ekonomie, pasi përfshin mbi 140 indekse, nga ambienti makroekonomik te zhvillimi i infrastructures, apo burimet njerëzore dhe faktorët socialë.
Raporti këtë vit e rendit Shqipërinë në vendin e 93-të ndër 140 vende të botës, duke rezultuar në ngjitje me 4 vende krahasuar me vitin e kaluar.
Shqipëria mbetet sërish ekonomia me nivelin më të ulët të konkurrueshmërisë në rajon. /tesheshi.com/
