Guardia di Finanza, ka publikuar raportin vjetor për mbjelljen e bimëve narkotike në Shqipëri, i cili për të parën herë u bë i ditur gjatë një takimi të ministrit të Brendshëm, Saimir Tahiri, me ambasadorët e vendeve të BE-së, javën e shkuar.
Por sot, ky raport është bërë publik nga disa media ku theksohet se numri i sipërfaqes së mbjellë me canabis sativa është më i vogël se në vitin 2013.
Sipas raportit, sipërfaqja e mbjellë me canabis është 8 herë më e vogël se para dy vjetëve, por gjithsesi ekspertët e Guardias thonë që edhe këtë vit, në shumë zona të vendit është mbjellë bima e canabis sativa pret të cilës prodhohet hashashi.
Raporti është përpiluar si pasojë e rikonjicionit me anë të fotografimit ajror. Sipas raportit këtë vit është mbjellur 44 canabis ndërsa në 2013-n: 323 hektarë.
Siç bën të ditur disa media, fotografimi i fundit i bërë territorit Shqiptar, ka treguar se fshati Lazarat, epiqendra më e madhe në Europë e kultivimit të kanabis stativës rezulton të mos ketë të mbjellë asnjë parcelë me drogë në vitin 2015.
Kjo vjen si rezultat i ndërhyrjeve bindëse të Policisë së Shtetit gjatë viteve 2014 dhe 2015. Në këtë periudhë kohe, Lazarati ka dalë përfundimisht nga harta e kultivimit të lëndëve narkotike, ndërkohë që harta e kultivuesve është hapur në zona të tjera të vendit, si Dukagjini, Kruja dhe disa zona të Vlorës. /tesheshi.com/
