Deputeti demokrat Enkelejd Alibejaj, ka shfrytëzuar raportin më të fundit të Europol-it për të lëshuar akuza ndaj qeverisë, në lidhje me kanabisin, duke thënë ndër të tjera se nuk është opozita ajo që po nxin imazhin e vendit.
“Raporti i Europoli-it rikonfirmon se nuk është opozita ajo që po i nxin faqen vendit, por është qeveria e Edi Ramës që ka lejuar dhe ka përfituar nga trafiku i kanabisit drejt Europës. Shqipëria në 4 vjet të Edi Ramës u bë burim i pastrimit të parave nga tepsia e madhe e parave të drogës, pjesën më të madhe të së cilës e zotëron Edi Rama dhe këto para duhen larë e pastruar për të financuar blerje të reja politikanësh e votuesish”, tha Alibeaj, i cili më tej detajoi duke iu referuar raportit:
- Tregu i drogës në Bashkimin Europian është 24 miliardë euro, 2. Se kanabisi përbën pjesën më të madhe të tregut që kontrollohet nga organizitatat kriminale, 3. Se Shqipëria është burim kryesor i trafikut të kanabisit dhe 4. Dhe se pastrimi i parave nga tregtia e drogës është rritur”, theksoi deputeti demokrat. /tesheshi.com/
