Demokratja Grida Duma, duke cituar raportin e Departamentit amerikan të Shtetit ka deklaruar se tashmë është e provuar se, korrupsioni i shtrirë kudo, në çdo degë të qeverisjes.
“Ky është konkluzioni i Departamentit amerikan të Shtetit. Raporti vjetor i DASH e vë korrupsionin në krye të listës”, ka thënë Duma.
Ajo ka përmendur edhe disa raste që tregojnë sipas saj korrupsionin në masë në sektorët kyçë të vendit.
Për Grida Dumën dhe Partinë Demokratike, raporti i Departamentit amerikan të Shtetit është një këmbanë alarmi që nuk lë hapësira për dyshime se, “korrupsioni është vendosur në krye të problemeve të Shqipërisë”.
“Kjo është oligarkia e korrupsionit, e paralajmëruar më herët edhe nga sekretari Kerry. Oligarki që ka zgjedhur të ndjekë luksin, pasurinë dhe të varfërojë e shtypë popullin”, ka shtuar Duma. /tesheshi.com/
