Më shumë se 13,400 sulme terroriste janë kryer në gjithë botën gjatë vitit 2016, ose nëntë për qind më pak se në vitin 2015, me ç’rast u vranë më shumë se 34.000 njerëz, sipas të dhënave të mbledhura nga studiuesit në Universitetin e Merilendit.
Nga ky numër viktimash, i cili është 10 për qind më i ulët se një vit më parë, më shumë se 11,600 e të vdekurve janë vetë autorët e sulmeve, sipas hulumtimit vjetor, i kryer nga Konsorciumi Kombëtar për Studimin e Terrorizmit dhe përgjigjes ndaj Terrorizmit – Study of terrorism and response to terrorism (START) të atij universiteteti.
Sulmet terroriste në vitin 2016 janë kryer në 108 vende, por në 87 për qind të rasteve dhe 97 për qind e viktimave ishin nga Lindja e Mesme, Afrika e Veriut, Azia Jugore dhe Afrika sub-Sahariane. Dhjetë nga 11 sulmet terroriste në vitin 2016 ishin vdekjeprurëse dhe janë kryer në Lindjen e Mesme dhe në Afrikën Veriore, nëntë prej tyre në Irak.
Bilanci më i rëndë është regjistruar në korrik në Bagdad, kur një sulmues vetëvrasës hodhi veten në erë në një makinë në një qendër tregtare në lagjen e Karada, duke vrarë të paktën 382 persona.
Në Evropë janë kryer dy për qind të sulmeve në botë në vitin 2016, me ç’rast u vranë më pak se një përqind e viktimave, që është 20 për qind më pak se vitin e kaluar.
Hulumtimet tregojnë se në vitin 2016 është rritur ndjeshëm përdorimi i automjeteve, si armë më të cilat janë shtypur këmbësorët. Kjo taktikë nuk është paprecedent, por ka pasur një rritje të madhe në frekuencën dhe numrin e viktimave, thuhet në raport. /tesheshi.com/
