Institucionet e specializuara të sigurisë në Shqipëri kanë marrë prej kohësh informacione nga shërbimet të vende të afërta partnere mbi rrezikimin e Shqipërisë nga sulme të mundshme.
Burime nga organe të sigurisë i bënë të ditur tesheshi.com se Shqipëria rrezikohet nga ngjarje edhe më të rënda se ata që ndodhin në Francë apo Perëndim. Dhe realisht puna për këtë ka nisur prej kohësh dhe ka hedhur farën e vet.
Nga shërbime të vendeve mike kanë bërë të ditur se në Shqipëri ISIS ka përpunuar një strategji që të kryejë sulme që tronditin jo tjeshtë bashkëjetesën fetare, por që të çorodisë marrëdhëniet mes myslimanëve shqiptarë.
Pikërisht, pas ndihmës së Turqisë për të restauruar veprat kulturore të trashëgimisë shqiptare si xhami apo objekte kulti, ka nisur një fushatë e fortë sulmi ndaj këtij vendi e në veçanti ndaj Erdogan.
Ndaj, presidenti turk foli për struktura paralele të rrezikshme që rrezikojnë jo vetëm vendin por krejt vendet e rajonit me shumicë muslimane si Shqipëria, Kosova, Bosnja dhe Maqedonia.
Presidenti i Republikës, Bujar Nishani, ka thirrur sot me urgjencë Shefin e SHIS-it, Visho Ajazi Lika. ndërsa Policia e Shtetit ka shpallur gatishmëri të lartë.
Shërbime shtesë policore janë vendosur në objekte që konsiderohen me risk, siç janë ambjentet publike me frekuentim te lartë, pranë ambasadave apo rezidencave, akset kryesore rrugore etj.
Policia e Shtetit ka hartuar një plan te detajuar për evidentimin dhe mbikqyrjen e gjithë elementeve të dyshuar që mund të kenë tendenca për akte terrori.
Në të gjitha pikat e kalimit kufitar po verifikohen me kujdes të veçantë çdo person që hyn në territorin shqiptar apo del prej tij.
Gjithashtu, Policia e Shtetit ka rritur intensitetin e shkëmbimit të informacionit me partnerët ndërkombëtarë për persona te caktuar qe mund të shfaqin tendenca të akteve terroriste.
Policia e Shtetit kërkon gjithashtu bashkëpunimin e qytetarëve dhe i fton ata të mos ngurojnë të telefonojnë për çdo
shqetësim apo problematikë, duke i garantuar per reagimin e shpejtë dhe ne kohë.
/tesheshi.com/
