Një gjykatë egjiptiane liroi dy djemtë e Presidentit të rrëzuar Hosni Mubarak, të cilët janë akuzuar për manipulim të tregut.
Bijtë e Mubarakut, biznesmenë të pasur Alaa dhe Gamal, akuzohen për blerjen e një numri të madh aksionesh në një bankë lokale egjiptiane, kinse duke ditur se një investitor i Gjirit Persik do të merrte përsipër këtë bankë, gjë që do të rriste ndjeshëm çmimin e tyre.
Gjykata penale e Kajros liroi gjashtë të tjerë në këtë rast, ndërkohë që i akuzuari i shtatë kishte vdekur më parë, raporton AP.
Agjensia shton se ky ishte i fundit në një seri gjyqesh ndaj anëtarëve të familjes së Mubarakur që nga Pranvera Arabe 2011, në të cilën ai u rrëzua pas tre dekadash në pushtet.
Mubarak dhe djemtë e tij u arrestuan dy muaj pas kryengritjes dhe ish-presidenti u la i lirë pas një procesi të gjatë nën akuzat e vrasjes së protestuesve gjatë protestave 18-ditore kundër sundimit të tij autokratik.
Ata u dënuan me tre vjet burg për përvetësim të fondeve që përdornin për të rinovuar dhe mirëmbajtur pallatet presidenciale dhe rezidencat private.
Bijtë u lanë të lirë në vitin 2015 dhe Mubarak u la i lirë nga në 2017-ën.
Të tre i kthyen paratë e përvetësuara shtetit.
Djemtë e Mubarakut u arrestuan sërish në shtator 2018, por u liruan me kusht, pasi Gjykata e Apelit pranoi kërkesën e mbrojtjes për përjashtimin e gjykatësit. /tesheshi.com/
