Ramush Haradinaj, kur ja rriti pagën vetes duket se nuk e dinte që kjo do të prodhonte një efekt domino, kur mund t’i rritej rroga njëkohësisht edhe Hashim Thaçit, por edhe Kadri Veselit.
Siç bëhet e ditur nga disa media në Prishtinë, qeveria është e detyruar që t’i rrisë pagën edhe Presidentit të Kosovës, Hashim Thaçi 25 për qind më shumë se e ka aktualisht.
Nga 2,906 euro muajqë kreu i shtetit merr atkualisht, Thaçi do të paguhet nga 1 janari 3,635 euro.
Në bazë të Ligjit për Presidentin, kreu i shtetitThaçi nuk mund ta ketë pagën më të vogël se Kryetari i Kuvendit , Kadri Veseli dhe Kryeministri Ramush Haradinaj.
Në bazë të këtij ligji “Paga e Presidentit të Republikës gjithmonë duhet të jetë së paku njëzet e pesë përqind (25%) më e lartë se të ardhurat e përgjithshme të Kryetarit të Kuvendit të Republikës së Kosovës dhe udhëheqësve të tjerë institucional”.
Bazuar në faktin se Haradinaj ka anashkaluar rritjen e pagave mbi bazën e koficientëve kur ka rritur pagën e tij, ligjet në fuqi u garantojnë rritje page edhe Kryeparlamentarit Veseli dhe Presidentit Thaçi.
/tesheshi.com/
