Në një njoftim për shtyp, Aleanca e të Rinjve të Kosovës (ARK), thotë se me indinjatë të thellë po e përcjellë maskaradën sllovene, sipas saj, pas ndalimit të padrejtë, absurd dhe krejt të pakuptueshëm të kryetarit të Aleancës, ish-kryeministrit dhe liderit të luftës dhe të paqes në vendin tonë, Ramush Haradinaj.
Të rinjtë e AAK-së shprehen se kërkojnë nga udhëheqja e partisë së tyre angazhim dhe mobilizim më të madh dhe më rigoroz të saj dhe të strukturave të tjera drejtuese në krejt këtë situatë. Ndërsa reagimet e lidërve më të lartë të shtetit, presidentes Jahjaga dhe kryeministrit Mustafa, i quan si kozmetike.
Më tej thuhet se duke i parë të gjitha këtë zhvillime, ARK ka vendosur të ndërmarrë veprime më radikale, të cilat mund ta zhvendosin vendin në rrethana jo të zakonshme. “Ky nuk ishte përcaktimi ynë i dëshiruar, por zgjidhja e vetme që po na imponohet”, thuhet në njoftim e ARK-së. /tesheshi.com/
