Kryetari i Aleancës për Ardhmërinë e Kosovës, Ramush Haradinaj ka zhvilluar një takim me Kryeministrin shqiptar Edi Rama.
Pas intervistës mbrëmë në Top Story tek Sokol Balla, kreu i AAK-së është takuar me kreun e së majtës në Shqipëri, të cilin e quan “mik”.
Siç dihet, Haradinaj ka pasur marrëdhënie të ngushta me ish-kryeministrin Sali Berisha, madje edhe para zgjedhjeve të vitit 2013. tha publikisht se kishte dëshirë të fitonte e djathta.
Takimin me Ramën, Haradinaj, e ka bërë publike në faqen e tij në Facebook, ku thekson se i ka dhuruar dhe librin në anglisht të avokatit të tij në Hagë.
Haradinaj ndodhet në Tiranë për takime përpara protestës së ditës së nesërme.
Postimi i plotë
“Sot ditën e fillova me kafen e mëngjesit së bashku me mikun tim, kryeministrin Edi Rama. Gjithmonë kënaqësi ta takoj dhe të bashkëbisedojmë për temat me interes nacional dhe zhvillimor për Kosovën dhe Shqipërinë. Shfrytëzova rastin njëkohësisht t’i dhuroj edhe librin e shkruar nga avokati irlandez, Michael O’Reilly – ‘The Kosovo Indictment’”, ka shkruar kryetari i AAK-së.
/tesheshi.com/
