Opozitari Ramush Haradinaj, i pakënaqur me mënyrën se si po qeverisin vendin dy partitë në pushtet PDK dhe LDK, sot ka prezantuar strategjinë e zhvillimit të vendit, me të cilën sipas tij do të ndërpriteshin vendimet ad-hoc siç kanë ndodhur deri më tani.
Kreu i AAK-së, i cili po punon fuqishëm që pas zgjedhjeve të ardhshme të vijë në pushtet pas qëndrimit disa vjeçar në opozitë, sot në një konferencë për medie e kritikoi qeverinë duke e cilësuar të dështuar.
Ai shtoi tha se strategjia e partisë së tij i dedikohet të gjithëve që do të mund të qeverisin me vendin nga viti tjetër.
Ndërkohë, për hartimin e kësaj strategjie, koordinator i cili do të merret me të është zgjedhur profesori i ekonomisë Musa Limani. Ai tha se e veçanta e këtij dokumenti është se do të hartohet nga institucionet dhe punonjësit shkencor të vendit.
Në konferencë u tha se kjo do të jetë Kushtetutë e zhvillimit ekonomik dhe zhvillimit të gjithmbarshëm të vendit.
Haradinaj kohëve të fundit ka shpeshtuar mbajtjen e konferencave ku po kritikon ashpër qeverinë “Mustafa”.
Burime të portalit tesheshi.com kanë bërë të ditur se AAK e vetëdijshme se nuk mund të dalë fituese e zgjedhjeve paralamentare, është pajtuar me faktin se pas zgjedhjeve parlamentare kurdo që mbahen ato të lidh koalicion qeverisës me PDK-në e Kadri Veselit. Ky i fundit ka një raport të mirë me Veselin pasi të dy liderët e kanë kursyer në masë të madhe njëri-tjetrin nga kritikat. /tesheshi.com/
