Nga Blendi Gashi
Ramiz Kelmendi, i ashtëquajturi “biznesmeni i qeverisë”, sot zëvëndës i Mustafës pasi kaloi nga PDK-ja në LDK, dha një ndër shfaqjet më të shëmtuara ku interesi politik i partisë del mbi atë kombëtar. Pasi e kundërshtoi Demarkacionin sa ishte në radhët e PDK-së (ka qenë dhe tek AAK-ja), duke thënë se nuk do e votonte, ai, ia ka kthyer nderin Isës që e bëri zëvëndësin e tij – pra z/kryeministër – duke thënë se do e votonte. Por ai, si të vetmen aftësi që ka – pra të bërit pare – nuk kishte si mos jepte të njëjtin argument si shefi i tij gjatë arsyes se përse duhej votuar vija kufitare me Malin e Zi, atë të stërthënën tashmë: “Përmbyllja e Demarkacionit shpejton rrugëtimin integrues dhe sjellë vizat”.
Por Kelmendi, njeriu që hapi dhe dyert e vilës së tij muaj më parë duke pritur që aty të bujnin kokat e Kosovës për të diskutuar mbi demarkacionin, po që nuk iu qas askush, kërkoi dhe atë që ka kërkuar, gjithashtu shefi i tij Mustafa, matjen e territorit. “Nëse sipërfaqja e matur, sipas kufinjëve që i kemi në të gjitha hartat, është e barabartë me sipërfaqen e regjistruar dhe pranuar ndërkombëtarisht 10.883 km2 deri 10.902 km2, atëherë kjo tregon se ne e kemi tërësinë territoriale të gjithën dhe nëse kjo rezulton më pak se kjo vlerë, atëherë me të drejt kërkohet matja e territorit të shtetit fqinjë dhe kërkesa për të kthyer sipërfaqen e munguar”, tha ai.
“Tregtari i famshëm nga Rugova po ia kthen argatin Mustafës”
Dhje pas kësaj metamorfoze të Kelmendit, reagoi ndaj tij ashpër Muharrem Nitaj, zëdhënësi i AAK-së, ish-bashkëpartiak i tij.
“Tregtari i famshëm nga Rugova, që dikur thoshte se ‘do të votoj kundër demarkacionit’, paska ndërru mendje! Si gjithmonë, duke e shtyer agjendën e partnerëve të tij të interesit, por kësaj radhe duke ia kthyer argatin Isa Mustafës, i cili dikur e kishte refuzuar të ishte pjesë e strukturave të LDK-së, e më pas e bëri zv.kryeministër. Pas matrapazit të Akademisë së Shkencave, në sipërfaqe paska dalë edhe “ustai i tregëtisë” tash si eskpert i matjeve me, siç thot teknologji moderne! ‘Biznesmeni i qeverisë’, duhet të na tregojë se si po u matka territori pa u caktuar kufijt, as me Malin e Zi e as me Serbinë! Se ku janë kufijtë me Malin e Zi, atij dhe të tjerëve si ai, ua kanë treguar qytetarët e Kosovës dhe të Rugovës”.
Pareliu i Pejës bëhet për pesë pare 
Por Kelmendin e kanë sulmuar dhe të tjerë jashtë kuvendit dhe politikës. Janë rugovasit ata që e kanë bërë për pesë pare pareliun e Pejës, mu pse ka mbajtur qëndrim pro-demarkacionit të qeverisë. Ndaj qëndrimit të Kelmendit kanë reaguar edhe qytetarët të cilët i kanë thënë se është personi i fundit që mund të jap shpjegime për territorin. /tesheshi.com/
