Edi Rama dhe ministrat e rinj të qeverisë së tij po zhvillojnë mbledhjen e dytë jozyrtare në Velipojë, një zonë turistike sikundër edhe Llogaraja, ku u mbajt takimi i parë.
Duket se kryeministri ka vendosur që këto mbledhje t´i mbajë në zona turistike, duke shmangur zhurmat e qyteteve metropol, dhe nuk është çudi që në të ardhmen, ministrat të mblidhen në Voskopojë, Dardhë apo diku tjetër.
Përveç veshjes së kryeministrit që tërhoqi vëmendjen para fillimit të mbledhjes, një tjetër detaj është vendi ku Rama dhe ministrat po diskutojnë mbi programin e dikastereve.
Ai është një hotel, në pronësi të një biznesmeni të njohur, Seit Fishtës. Dikur kandidonte për deputet në siglat e PS-së, por më 25 qershor ishte kandidat i një prej partive që u quajtën gjatë fushatës si pjesë e tepsisë së pushtetit, PDIU-së. /tesheshi.com/
