Në gjykimin e kryeminitrit Rama, Banka e Shqipërisë është i vetmi institucion shqiptar ndër vite, për të cilin politika nuk është kacafytur. Duke folur në konferencën vjetore të Bankës së Shqipërisë, Rama e evidentoi këtë fakt si një lloj xhevahiri për këtë institucion bazë të financave shqiptare.
“Ajo që mund të thuhet me plot gojën është që Banka Shqiptare është ndër ato institucione ndoshta i vetmi që rrezaton një qëndrueshmëri konstante në të gjithë periudhën e ekzistencës së vet pas rënies së komunizmit”.
“Besoj që nëse nuk kam bërë gabim llogarinë është i vetmi institucion në këtë vend ëqë nuk është anatemuar nga njëra palë për llogari të kacafytjes me palën tjetër. Kjo mjafton për ta përcaktuar Bankën e Sqipërisë si qendër të rëndësishme dhe të pakundërshtueshme graviteti dhe kjo është meritë e ekipit, drejtimi, bordit, guvernatorëve dhe është një trashgëgimi shumë e çmuar që ne nuk kemi luksiun ta vemë në pikëpyetje por sa herë që na kërkohet kemi detyrimin të mbrojmë dhe ta pasqyrojmë më tutje si e tillë”, u shpreh Rama.
Shefi i qeverisë kujtoi gjithashtu një thënie të Ismail Qemalit, i cili paska thënë se pas Pavarësisë, Banka e Shqipërisë është fitorja e dytë e madhe kombëtare. /tesheshi.com/
