Kryeministri Rama ka shpërndarë vetëm foto nga takimi me presidenten e përkohshme të Kosovës Vjosa Osmani, pa përcjellë asnjë koment.
Sipas axhendës së vizitës tre ditore në Tiranë, Osmani, e cila zëvëndësoi Thaçin në presidencë ps dorëheqjes së këtij të fundit me shkak aktakuzën nga Specialja, u takua në orët e pasdites më të parin e qeverisë së Tiranës. Më herët, ajo u takua me presidentin Meta, krryeparlamentarin Ruçi, si dhe mbajti një fjalim në parlament.
Por në mesazhet e saj, nuk kanë munguar nëntekstet e forta politike, pa e lënë vizitën e saj thjesht simbolike.
Me Metën në krah, ajo kundërshtoi fuqishëm Schengenin rajonal, duke shkuar deri aty sa t’ja atribuonte Ramës aktin e Hotit për firmosjen e këtij projekti në Zyrën Ovale në Marrëveshjen e Uashingtonit.
Po ashtu, si në Presidencë e si në Parlament, ajo ceku temën e këmbimit të territoreve, duke mbajtur gjallë teorinë e konspiracionit sipas së cilës pas kësaj teze qëndron dhe Rama.
Për momentin, nuk dihet se ç’fjalë ka zgjedhur Rama në bisedë me gruan që pak e nga pak ka marrë staturën e një vetëvendosëseje, duke u shndërruar në një “Albin Kurti” nr.2, edhe karshi Ramës. Së paku në këtë vizitë në Tiranë. /tesheshi.com/
