Pas ngjarjeve në Banjskë, ku kryeministri Rama nuk hezitoi ta cilësojë sulmin serb si “terrorist”, duke kërkuar madje nga bashkësia ndërkombëtare që ta dënojë si të tillë, ai tashmë duket se është krah Kurtit dhe në zhvillimet më të fundit në Kosovë: heqjen nga qarkullimi të dinarit serb, si dhe eliminimin e komunave paralele serbe në territorin kosovar.
Në pak rreshta qëndrim, ai madje ka mes tyre dhe pa kritikë ndaj ndërkombëtarëve.
“Ndërsa të gjithë jemi dakord që qeveria e Kosovës duhet të angazhohet, të koordinohet dhe të punojë më ngushtë me aleatët e saj kryesorë, le të mos e harrojmë gjithashtu të drejtën e pamohueshme të Kosovës për të zbatuar kushtetutën e saj.
Pas Banjskës, është thelbësore të ruani fokusin dhe sensin e balancës”, shkruan Rama, duke e patur pikërisht këtë fjali të fundit një lloj shigjetimi për ndërkombëtarët.
Këta të fundit po reagojnë sërish në korr me kritika ndaj Kurtit pas dy inisiativave të qeverisë kosovare. Ata kërkojnë shtyrje të vendimit mbi euron si monedhë e vetme në Kosovë, si dhe mosngacmimin e kinse komunave në disa zona ku ka prani serbe.
Por Kurti deri më tani është treguar i “shurdhër nga ai vesh”. Dhe tashmë duket se aleat ka dhe homologun në Tiranë, deri dje kritik i tij për inisiativa të pakonsultuara me aleatët. /tesheshi.com/
