Gjatë një tubimi elektoral në Pukë, kreu i mazhorancës Edi Rama ka ngritur dy gishtat në variantin demokrat, duke thënë se ndaj duhet të votojnë numrin 2 më 25 qershor, që i bie të jetë PS-ja në fletën e votimit.
Më tej, ai mbrojti idenë e investimeve estetike, për çka po kundërshtohet fort nga kundërshtarët politikë. Një ditë më parë, kreu demokrat Basha tha se ndërsa “njerëzit nuk kanë bukë të hanë, kryeministri shtron pllaka…”. Por Rama mbrojti këto të fundit duke ofruar një tjetër arsyetim:
“Luli thotë palma, bar, lulishte, pllaka.Çi duhen popullit? Populli do bukë. Po si mund të rritet ekonomia pa këto? Vetëm deleve nuk u duhen, atyre u duhen bari dhe stani. Janë një tufë njerëzish të mbaruan që nuk duan t’ia dinë fare.Njerëzit janë më të pasur jo më të varfër nga këto projekte”, shtoi shefi i qeverisë.
Në një moment ai e quajti Bashën “një çun të mirë” – siç tha, “tani që e njoha…” – por që sipas tij nuk mund t’i besohet qeverisja
“Kur flet Luli, që tani dhe e njoh, dhe nuk është çun i keq, dhe kur thotë do jem kryeministri juaj mua më kujtohet sahati i Tiranës. Sahati i Tiranës është i kryetarit të bashkisë. Katër vjet nuk e ngriti një herë kokën, katër vjet nuk punoi sahati. Thotë më bëni ju mua kryeministër tani që t’ua ngel sahatin e gjithë Shqipërisë. Se mua ora më rri 12:00. Dhe thotë Edi Rama mos trego barcaleta. Këto nuk janë barcaleta, janë të vërteta”, vijoi Rama në fjalën e tij gjysëm satirike me zgjedhësit. /tesheshi.com/
