Kryeministri Rama nxorri një tjetër urdhër në kuadër të masave të ashpra për t’u ruajtur nga koronavirusi. “Inatin” e ka sërish me ata të cilët s’u durohet të rrijnë brenda e dalin shëtitje rrugëve.
“Mesa duket nuk po kuptohemi siç duhet me disa që s’duan ta marrin vesh se nuk është kohë shëtitjesh”, shkruan Rama, që më pas përcakton oraret ë lëvizjes për këmbësorë .“Nga nesër dalja e këmbësorë do të kufizohet vetëm në fashat orare 06.00 – 10.00 dhe 16.00 – 18.00
Nga nesër do të ndalohet dalja në këmbë rrugëve me persona të tjerë në krah!
Shkelja e këtyre rregullave do të ndëshkohet me gjobë 10.000 lekë dhe shkelësit nuk do të marrin asnjë ndihme shtetërore nga paketa financiare e solidaritetit në kushtet e kësaj lufte!
Boll! një pakicë e vogël fare individësh të papërgjegjshëm nuk mund të sabotojnë sakrificën e një populli të tërë, duke rrezikuar jetën e tyre dhe të njerëzve të tjerë!
Ndjesë 1000 herë po kjo është luftë dhe s’ka asnjë rrugë tjetër!
Frikë aspak, kujdes po! me hir ose me pahir! dielli aty do jetë prapë, ndërsa jetët e humbura nuk kthehen më!”, shkruan i pari i qeverisë. /tesheshi.com/
