Kryeministri Edi Rama e ka konsideruar si “tronditëse” situatën e Akademisë së Shkencave.
Prezent gjatë samitit të 11-të të Institutit Alb Shkenca, Rama u shpreh me shqetësim për atë që sot, sipas tij, Shqipëria nuk e di se ku i ka shkencëtarët e vet apo dhe se kë ka.
“Nuk ka regjistër të shqiptarëve që bëjnë shkencë nëpër botë. Shteti ynë nuk di ku ka qytetarët e tij. Duhet të dimë ku janë shkencëtarët në mënyrë që të kontribuojnë në shkencën tonë. Nuk po them që të lënë punët atje ku jetojnë, por të shfrytëzojmë disponueshmërinë e atyre që duan të ndihmojnë”, tha Rama, që me tej shtoi:
“Nuk do të zgjidhim problemet e ngrohjes globale, por shkenca shqiptare duhet të shërbejë për gjërat më bazike”, shtoi shefi i qeverisë shqiptare, sipas së cilit duhet të vijë ajo ditë që Akademia të jetë vetëm e atyre që merren me shkencë. /tesheshi.com/
