Në një takim me trupin diplomatik në Tiranë, ku prezent qe dhe Gent Cakaj, “njeriu i ditës”, i riu kosovar i emëruar nga Rama si ministër i Jashtëm i refuzuar nga Meta, i pari i qeverisë shqiptare foli sërish me ashpërsi për këtë refuzim.
“Prishtina me një dituri të adhurueshme e ka nisur rrugëtimin e tij në një mënyrë të pazakonshme. Balta dhe mllefi i injorantëve kanë bërë për të prezantimin më të rrejshëm publik, përpara se ai të hapë gojën si ministër. E kanë sulmuar për tre arsye. Sepse është shumë i ri, nuk i përket botës së tyre të vjetër. Sepse është shumë i pastër. Sepse është nga Prishtina”, tha Rama.
I gjykuar nga presidenti për qëndrime të tij pro-korrigjimit të kufijve, Rama tha se Cakaj kurrë nuk është prononcuar për ndryshime kufijsh në Ballkan.
“Ajo është një e drejtë që i takon qeverisë sovrane të Kosovës. Dua ta bëj të qartë edhe një herë: Shqipëria inkurajon një marrëveshje përfundimtare mes Kosovës dhe Serbisë, e cila të mbështetet nga SHBA dhe BE. Të tjerat janë maskarallëk dhe fukarallëk politikanësh”,theksoi Rama. /tesheshi.com/
