Kryeministri Rama u ka bërë një tjetër ftesë naftëtarëve grevistë urie në Ballsh për të lënë protestën e ulur e biseduar, pasi sipas tij nuk është përgjegjëse qeveria për hallin që u ka gjetur atyre.
“Naftëtarët duhet të dalin nga greva që të bisedojmë për të mos i lënë vetëm në këtë hall që as e ka shkaktuar qeveria, as zgjidhet me presion e me ultimatume! Ne nuk kemi shkop magjik, po kemi gjithë vullnetin të lehtësojmë situatën. Me logjikë dhe solidaritet si një familje”, shkruan i pari i qeverisë.
Por grevistët, edhe pse e kërkojnë nga qeveria zgjidhjen, pa thënë nëse ajo ka apo jo përgjegjësi, thonë se do e vijojnë protestën.
“Unë do bëj sakrificë deri në fund. Deri tani nuk ka asnjë reagim, i lutem kryeministrit t’i japë një zgjidhje sa më parë”.
“Asnjëherë, do vazhdojmë deri në fund. Lodhja është e madhe, por ne nuk dorëzohemi…”, tha njëri prej tyre. /tesheshi.com/
