Vendimi i një gjyqtareje në Vlorë, e cila ka liruar një person me precedent kriminalë, bëri që Rama të thyej heshtjen e këtyre ditëve si pasojë e pushimeve, për t’u shrehur sërish për vettingun. Fillimisht ishin numrat 2 të Drejtësisë dhe Rendit, të cilët denoncuan gjyqtaren e Vlorës, Herila Çela për kalimin në arrest shtëpie të Taulant Manaj, ose i njohur dhe me mbiemrin Beqiraj. Sipas tyre, 28-vjeçari ishte kapur me armë pa leje dhe ndonëse ishte një person përsëritës dhe i njohur për rrezikshmërinë kriminale në qytetin e Vlorës, gjyqtarja ka bërë zëvendësimin e masës së sigurisë nga arrest me burg në arrest shtëpie.
“Ky vendim, në kufijtë e absurdit, ka vënë në pikëpyetje gjithë luftën dhe sakrificën e bërë deri më tani”, u shprehën zëvëndësministrat, për t’u pasuar nga Rama: “Vetingu, po zbulon në sytë e shqiptarëve pasuri të paimagjinueshme dhe shkelje ligjore të panumërta nga ana e gjyqtarëve e prokurorëve. Vetingu mund e duhet ta pastrojë deri në fund llumin e mbështjellë me togën e zezë”.
Ndërkohë, shefi i qeverisë shqiptare ende nuk është shprehur në lidhje me çështjen e ditës, ndryshimin e kufijve mes Kosovës dhe Serbisë. /tesheshi.com/
