OSBE/ODIHR ka publikuar raportin e plotë për zgjedhet e 25 qershorit, ndërsa politika shqiptare është përfshirë nga debatit, duke bërë interpretime të ndryshme.
Kryeministri Edi Rama u shpreh se proçesi u çertifikua si më i miri. Sipas tij, ky raport rrëzon përfundimisht alibitë e humbësve.
Por, i këtij mendimi nuk është kreu i deputetëve të LSI-së, Petrit Vasili. Ai i referohet disa pjesëve të raportit të OSBE-së për zgjedhjet, ku vihet në pah shqetësimi se fushata zgjedhore është karakterizuar nga akuzat dhe aludimet e shumta për blerjen e votës por edhe shqetësimi i vëzhguesve ndërkombërtarë, se individë me precedentë penalë kanë luajtur rol në zgjedhje.
“Kryeministri i paaftë të gënjejë, por edhe i paaftë që të kuptojë.
Kryeministri, i paaftë të gënjejë dhe i paaftë të kuptojë, është i kënaqur me zgjedhjet, por raporti i OSBE-ODIHR për zgjedhjet e 25 qershorit 2017 thotë që zgjedhjet ishin copë-copë.
Kryeministri duhet të turpërohet për këto, po dihet që ai s’ka turp, kjo është e vetmja cilësi që ka.
S’ka turp as të gënjejë dhe përpara Parlamentit e të thotë që OSBE ishin të kenaqur me zgjedhjet.
Dihet që shkollëpaku nuk ia thotë hiç të lexojë asgjë dhe me siguri që ndonjë nga këta “ustallarët”, që ia dinë huqin, i zhgarravisin disa fjalë që atij i pëlqen t’i brroçkullisë lart e poshtë.
Zgjedhjet e 25 qershorit ishin një turp që OSBE e vulosi e zeza mbi të bardhë:
Fushata u karakterizua nga akuza të shumta të blerjes së votës, shqetësime mbi abuzimet me resurset shtetërore dhe presione për vendin e punës në këmbim të votës. E gjithë kjo uli ndjeshëm besimin e publikut”
Shumë prej vëzhguesve të OSBE-ODIHR shprehen shqetësim që individë me precedentë kriminalë kanë luajtur rol të rëndësishëm gjatë fushatës, qoftë si kandidatë, qoftë si mbëshetës”, shkruan Vasili, duke cituar pjesë nga raporti. /tesheshi.com/
