Duke folur sot në Kuvend gjatë seancës së radhës parlamentare, referuar reformës në drejtësi tha se sistemi i kalbur i drejtësisë do të shembet me ose pa opozitën. Ai shtoi se sado i lartë të jetë çmimi i reformës në drejtësi, më e lartë do jetë kostoja e mbajtjes së kësaj drejtësie.
Kreu i qeverisë u shpreh se shpreson që koha e mbetur të vetëditësojë opozitën, duke thënë se PD erdhi në komisionin e posaçëm për t’i thënë “jo” reformës dhe me një draft të njëanshëm.
“Nuk keni parë gjë akoma çfarë do të sjellë reforma në drejtësi. Nuk është vetëm frika që ju shtyn ta bllokoni reformën. Keni varur shpresat tek aleancat me këta që i kanë vënë damkën Shqipërisë si një vend pa drejtësi. Ne jemi gati të negociojmë për një zgjidhje të arsyeshme”, tha Edi Rama.
Ai iu referua opozitës duke thënë se vendet e rezervuara nuk pranohen, por shprehu gatishmërinë për gjetjen e një zgjidhje të arsyeshme.
Teksa e quajti deputetin demokrat Flamur Noka si pjesë të “tufës”, kjo fjalë solli acarimin e opozitës e cila ju kundërvu, duke bërë që të ndërpritet seanca për 10 minuta. Deputetët e opozitës edhe në rinisje të punimeve rrethuan foltoren e Kuvendit, duke kërkuar mbledhjen e Byrosë së Kuvendit, për të përjashtuar kreun e qeverisë për fyerje. /tesheshi.com/
