Kryeminsitri Rama vizitoi disa prej të lënduarve në Spitalin e Traumës, ku thuhet se numri i tyre ka shkuar në 150.
Shefi i qeverisë falenderoi stafin mjekësor e përçoi mesazhin se situata është nën kontroll.
“Të gjithë janë gjendur në krye të detyrës dje, ky është një moment falenderimi. Nuk ka pasur goditje fatale, plagët nuk kanë qenë ekstreme, kishte kujdes maksimal. Gjithçka është përballuar më së miri nga të gjithë.
Duhet sa më shumë qetësi, nuk kemi humbje njerëzish dhe dëmtime të rënda në banesa. Çdo godinë do verifikohet dhe do jepet konkluzioni mbi rëndësinë e plasaritjeve. Kush ka frikë të qëndrojë në shtëpi, ka në Durrës 700 shtretër dhe kushte optimale.
Do lutesha që të gjithë të mos përhapin panik, të mos ushqejmë frikë. Jo të gjithë plasaritjet përbëjnë rrezik. Çdo gjë do verifikohet, nuk duhet të rrisim ndjenjën e alarmit. Nuk do të lëmë asnjë mbrapa, qytetarët të bëjnë me dije problemet.
Por nga se janë lënduar një pjesë njerëzish? Drejtori i Spitalit të Traumës, Arben Zeneli, tha për TCH se shkak ka qenë paniku e jo ndonjë arsye e drejpërdrejtë.
“Rastet qe kanë qenë u paraqitën pasi ishin lënduar në tentativë ikje nga paniku, janë rrëzuar, ka pasur dhe dy raste me thyerje të shtyllës kurrizore”, tha Zeneli. /tesheshi.com/
