Duke folur sot nga Berati në një aktivitet për anëtarësimet e reja në PS, kreu i qeverisë, Edi Rama u shpreh se kjo parti është e vetmja që mund të bëjë shtet, ndërsa iu tha të rinjve se me intensitetin dhe përgjigjen që po merret më gjithë territorin në formën e dëshirës dhe kërkesës për tu anëtarësuar në PS, do të arrihet objektivi që në 25- vjetorin e krijimit të PS, në qershorin e këtij viti, të ketë ndryshuar edhe numri i anëtarësimit.
Sipas Ramës, organizatat e partisë duhet të japin hapësirë reale problemeve të komunitetit që mbulojnë
“Nëse ky është viti i parë që shërbimi te mjeku i familjes të jetë falas, ky është një tjetër hap, ashtu si dhe check-up falas. PS ka ende shumë për të bërë, ashtu sikundër ata që merrnin rrugën për të bërë hemodializën në Tiranë, por që tashmë do e marrin ndihmën shumë pranë vendbanimit të tyre”, u shpreh ndër të tjera Edi Rama. /tesheshi.com/
