Kryeministri Rama e presidenti Meta u takuan në Presidencë me kërkesë të këtij të fundit, për të diskutuar caktimin e datës së e zgjedhjeve të pranverës.
Duke lënë pas një precedent të rrallë, gati të pangjashëm në historinë politike, atë të ç’dekretimit të një datë zgjedhore të dekretuar më parë (30 qershori) dhe dekretimin e një date tjetër (13 tetori) pa asnjë konsultë, Meta ka vendosur që data e zgjedhjeve të ardhshme parlamentare të ketë konsensus të gjërë politik.
Ato luhaten mes 18 prillit, 2 dhe 9 majit. Por për 2 majin, Rama thuhet se e ka kundërshtuar si datë, pasi atë ditë janë Pashkët Ortodokse.
Ndërkohë, kjo të sjell në kujtesë faktin se data e zgjedhjeve të kaluara parlamentare, ato të 25 qershorit 2017, përkuan me Fitër Bajramin.
Ajo u caktua në marrëveshjen e 17 majit mes Ramës e Bashës, pasi ishte afati i fundit kushtetuese si datë zgjedhore, pa mundësi zgjedhjeje. /tesheshi.com/
