Edi Rama takon Ilir Metën aty ku i anonçoi Saimir Tahirit largimin nga Ministria e Brendshme; pra tek restoranti “Sofra e Ariut”, një vend fare pranë kompleksit rezidencial të diplomatëve amerikanë, ku dhe ka drekuar Presidenti George W. Bush në të vetmen vizitë zyrtare në Shqipëri të një presidenti amerikan.
Po sot ndryshe sa ç’ishte folur se do të ketë një takim publik, Edi Rama e ka takuar Ilir Metën larg kamerave, në gojën e ariut të “Sofrës…”
Tensionet mes PS-së dhe LSI-së janë shtuar ndjeshëm ditët e fundit.
Kulmi arriti ditën e djeshme, me përplasjen e ashpër të dy drejtuesve të lartë të LSI-së dhe PS-së, Luan Rama dhe Saimir Tahiri.
Ata kanë qenë vetëm dhe nuk kanë pasur me vete asnjë bashkëpunëtor.
Takimi ka zgjatur për rreth një orë dhe për momentin nuk dihet asnjë detaj.
Henri Çili, një analist përkrahës publik i kryeministrit Rama ka deklaruar mbrëmë te emisioni i Arian Çanit se koalicioni Rama-Meta e ka jetën e gjatë vetëm një muaj. /tesheshi.com/
