Ajo që s’mundi të ndodh javë më parë në Berlin, ka ndodhur së fundi virtualisht mes Ramës e Merkelit.
I pari i majtë dhe e dyta e djathtë, kanë patur një komunikim mes tyre, njoftuar nga i pari, që me këtë mënyrë ka konformuar se raportet e tyre nuk kanë asnjë krisje, siç pretendohet nga zëra opozitarë.
“Me Kancelaren Merkel, biseduam pak më parë për rreth 60 minuta mbi Planin e Madh të Investimeve të Bashkimit Europian për Ballkanin Perëndimor dhe nxitjen e mëtejshme drejt Shengenit Rajonal; progresin e Shqipërisë pas vendimit për çeljen e negociatave dhe përpjekjet në vijim drejt Konferencës së Parë Ndërqeveritare me BE, si edhe kryesimin e suksesshëm të OSBE nga Shqipëria dhe sfidat deri në përmbylljen e mandatit tonë në dhjetor.
Edhe njëherë si gjithnjë, kënaqësi e veçantë biseda me Kancelaren gjermane, një mike e shkëlqyer që e njeh, e kupton dhe e ndjek rajonin tonë e Shqipërinë gjithashtu, me detaje e vëmendje krejt të posaçme!”, shkruan Rama.
Kujtojmë se kreu i mazhorancës e nisi qeverisjen duke patur Merkelin si aleate të afërt, në një bisedë mes të cilëve, në vizitën e parë të Ramës në Berlin pasi morri qeverisjen, u vendos reformimi i drejtësisë. /tesheshi.com/
