“Kënaqësi e posaçme takimi i parë me zv.kryeministrin shqiptar të Malit të Zi, Dritan Abazoviç, me të cilin kaluam si dy miq të vjetër dhe patëm dakordësi në çdo pikë”, ishte ajo çfarë shkroi kryeministri Rama pas një takimi me numrin 2 të qeverisë malazeze, politikanin më të njohur ndër shqiptarë aktualisht në fqinjin verior.
Por më tej nuk janë dhënë detaje se për ç’kanë rënë dakort.
Ai që foli më tepër qe numri dy i PS-së, Taulant Balla, që po ashtu pas një takimi me Abazoviç, deklaroi:
“Të rrisim dhe forcojmë bashkëpunimin e eksperiencave sepse kemi shumë cështje që ngjajnë.
Në Shqipëri kemi probleme me reformën zgjedhore dhe kështu ndodh edhe në Malin e Zi e rëndësishme është që qoftë Shqipëria, qoftë Mali i Zi kanë një kontribut cilësor dhe të ketë bashkëpunim mes vendeve tona.
Deri në fund të këtij muaji do të kemi një pikë tjetër kufitare me Malin e Zi.
Kjo tregon rritjen e intensitetit mes dy vendeve tona dhe kjo tregon një proces integrimi në marrëdhënien në Ballkanin Perëndimor”, tha Balla. /tesheshi.com/
