Rama takohet me Tsipras në Davos: na pret një pranverë!

Kryeministrat Rama e Tsipras janë takuar më së fundi në Davos, ashtu siç i pari e pat paralajmëruar pak ditë më parë, pas raundit të dytë të bisedimeve Tiranë – Athinë zhvilluar në Korçë, ndërmjet ministrave të jashtëm respektivë.

“Davos – Me Kryeministrin e Greqisë, Alexis Tsipras, për progresin e bërë deri më tani përmes dialogut dypalësh; në adresimin e çështjeve të bartura të së shkuarës, në funksion të çeljes së një kapitulli të ri partneriteti strategjik për të ardhmen”, shkruan Rama, pa dhënë detaje të mëtejshme.

Bën përshtypje fjalia e fundit “kapitull i ri i partneritetit strategjik”, teksa Rama e ka zhvendosur Greqinë të tretën, pas pas Italisë e Turqisë (kjo e fundit e para), në nisje të pushtetit të tij 5 vite më parë, sa i përket rajonit.

Kjo klime e re, e më saktë kjo pranverë në raportet Shqipëri-Greqi, vjen pas një dimri gati 5-vjeçar ku mbi Ramën u lëshuan deri dhe mallkime nga klerikë ortodoksë grekë, ngjashëm si ndaj Stefan Bardhit te filmi “Mësonjëtorja”. /tesheshi.com/