Gjatë vizitës së tij në SHBA, kryeministri Rama u takua me Sekretarin e Shtetit Mike Pomepo, ku që të dy përcollën nga një mesazh përkatës.
“Kënaqësi të mirëprisja kryeministrin shqiptar Edi Rama në Departamentin Amerikan të Shtetit sot, ku patëm një diskutim të frytshëm. Mirënjohës për aleatin tonë Shqipërinë për partneritetin e palëkundur dhe rolin e saj të lavdërueshëm si një udhëheqës të sigurisë në Ballkanin Perëndimor”, shkroi Pompeo.
“Në zyrën e Sekretarit të Shtetit, Mike Pompeo, për Rindërtimin, paketën AntiKÇK, Shengenin Rajonal dhe dialogun Kosovë – Serbi, si edhe sfidat e përbashkëta të aleancës sonë strategjike, ku Shqipëria mbetet besnikërisht e lidhur me Shtetet e Bashkuara të Amerikës”, shkroi Rama.
Ndërkohë, shefi i qeverisë shqiptare foli në Këshillin e Atlantik në SHBA, ku edhe në cilësinë e kreut të OSBE-së, i përcolli një tjetër mesazh politikës kosovare, për t’ju qasur drejt projektit të Schengenit rajonal.
“Jam trajneri perfekt i njerëzve që nuk kuptojnë se nuk mund të ndërtosh paqe me të njëjtat instrumente me të cilat ku luftuar për liri.
Ajo që po bëjmë janë bisedimet se sa e rëndësishme është të krijohet Shengeni.
Ne nuk mund të shkojmë askund nëse shohim se çfarë ka ndodhur në të shkuarën. Dialogu mes Kosovës dhe Serbisë duhet të shkojë përpara. Serbia duhet të njohë Kosovën sa më shpejt të jetë e mundur.
Duhet të punojmë së bashku. Për këtë nuk biem dakord të gjithë por kjo nuk është një arsye për të ngrirë asgjë.
Edhe Ukraina me Rusinë janë në luftë por presidentët e dy vendeve ulen së bashku”, tha Rama. /tesheshi.com/
