Kryeministri Rama u takua në Berlin me kancelaren Merkel, një prej investueseve të fuqishme të Reformës në Drejtësi.
“Progresi i madh i Shqipërisë në 5 prioritetet kyçe, me theks të veçantë në reformën në drejtësi, merr vlerësimin më të lartë nga Gjermania. Shqipëria do të vazhdojë të luajë rolin e saj të pazëvendësueshëm në stabilitetin rajonal dhe afirmimin e vlerave evropiane në Ballkanin Perëndimorë! Shumë mirënjohës për përkushtimin e Kancelares Merkel ndaj Shqipërisë!”, shkroi Rama.
Nga ana tjetër, ministri në detyrë për Europën dhe Punët e Jashtme, Gent Cakaj tha se “takimi me Kancelaren Angela Merkel konfirmoi edhe një herë mbështetjen absolute të Gjermanisë për çeljen e negociatave për anëtarësim të Shqipërisë në BE”. /tesheshi.com/
